صعيديه الجزء الاول

تابلوه العربيه هاتيه بسرعه
جريت جابت العلبه وجابتله ميه اخد منها واحده وبعد دقايق بدا الصداع يهده تالا دموعها نزله والخۏف باين على وشها جاسر بصلها واستغرب ازاى بتحب واحد وازاى خاېفه عليه كده 
تالا بقيت احسن 
جاسر الحمد لله ممكن تهدى 
تالا دموعها زادت انت بيجيلك الۏجع ده كتير 
جاسر مسك ايديها يعنى مش كتير بس الدكتور قالى ان الصداع ده بيجى لما بحاول افتكر 

تالا بصت فى عنيه وانت عايز تفتكر ايه 
جاسر ضغت على ايديها براحه كل لما اشوفك احس انى شوفتك كتير قبل كده مش بس كده واتكلمت معاكى استحاله الاحساس الى انا حاسه يكون اتولد فى يوم 
تالا بهمس احساس ايه 
جاسر انى بحبك 
تالا الفرحه ملت قلبها رغم انه ناسيها بس لسه بيحبها بصتله بحب بس حاولت تدارى فرحتها بجد ياجاسر بتحبنى 
جاسر افتكر انها بتحب واحد تانى ساب ايديها انا اسف نسيت انك بتحبى واحد تانى 
تالا ابتسمت مش يمكن انا كمان نسيته وحبيبت غيره 
جاسر فرح بجد يعنى انتى معنتيش بتفكرى فيه 
تالا الظاهر قلبى هو كمان حاسس انك قريب منه قوى 
جاسر مسك ايديها تانى وفضلوا يرغوا لحد ماروحها بعد ماتفقوا يتقبلوا تانى يوم
فى بيت جاسر بعد نزوله بشويه وصلت ساره وماماتها ودخلت تدور عليه بصت لخالتها اومال جاسر فين ياخالتو
صفاء نزل وزمانه جاى 
ساره بغيظ هو مش عارف انى جايه ولا انتى مقولتلوش 
صفاء قولتله بس هو قالى عندى مشوار وراجع على طول 
نعيمه اختها بصتلها برفعت حاجب ولما هو عارف انها جايه نزل ليه مش عاملنا اعتبار 
صفاء بسرعه لا ياحبيبتى دانتى خالته الكبيره ازاى تقولى كده ده حتى جاسر بيحبك قوى 
نعيمه بتاميز ماهو واضح 
صفاء هو اكيد مش هيتاخر زمانه جاى تعالى اقعدوا نشرب حاجه عبال مايجى
فضلوا اقعدين اكتر من ٣ساعات ولما جاسر مجاش قامت نعيمه بعصبيه يالا ياساره نمشى الظاهر ابن اختى مش مستعنينا 
صفاء ياحبيبتى اهدى اكيد عنده حاجه اخرته وزمانه جاى انا راحه اتصل بيه 
نعيمه ولا تتصلى ولا تكلميه خلاص هو حر انا بنتى الف مين يتمناها لولا هى بس الى خاويه رمرمه 
صفاء بقهره بقى ابنى يانعيمه رمرمه الله يسمحك 
ساره بصت لامها بتوسل خلاص ياماما والنبى جاسر اكيد فى حاجه اخرته روحى ياخالتو كلميه
صفاء حبست دموعها ودخلت تكلم جاسر نعيمه بصت لبنتها مش عارفه انتى متمسكه بيه قوى كده ليه 
ساره بحبه ياماما طول عمرى بحبه وهو مش حاسس ومصدقت جالتى الفرصه انه يبقى ليا وليل ونهار بدعى ان الذاكره مترجعش ليه ابدا 
نعيمه انتى عارفه ان لولا خالتك پتخاف على زعلى وان هددتها انى اقطعها مكانتش هتوافق تكذب على ابنها ابدا 
ساره عارفه ياماما وعلشان كده عايزاكى تتحملى شويه علشانى واضغطى عليها تقدم معاد الجواز انا خاېفه يعرف ان الدوا الى بياخده اتغير 
نعيمه بغيظ من بنتها انا مش عارفه اعمل فيكى ايه مش هترتاحى الا لما تودينا فى داهيه بقى تغيرى الدوا الى المفرض يساعده يرجع الذاكره وتحطى دواء متخلهوش يفتكر تانى
ساره بسرعه وطى صوتك لخالتى تسمعك !!!! كنتى عايزانى اسيبه يفتكرها ويجرى عليها دا كان هيجنن من يوم مارجع وهو مالوش سيره غيرها وكان مصمم يرجعلها لولا الحاډثه كان زمانه رجع لندن واتجوزها 
نعيمه مايرجع ولا يغور هو مافيش غيره مانتى كل يوم يجيلك عريس برقبته 
ساره بس انا مش عايزه غير جاسر وعندى استعداد اعمل اى حاجه علشان يبقى ليا 
نعيمه صبرنى يارب على بنتى 
خرجت صفاء وشكلها باين عليه الزعل من كلام اختها جاسر جاى فى الطريق 
قامت ساره وقعدت جنب خالتها متزعليش من كلام ماما ياخالتوا دى بتحبك والله بس انتى عارفاها بتزعل بسرعه
بصت صفاء لنعيمه بلوم بقى ابنى رمرمه يانعيمه 
نعيمه حاولت تصلح الوضع انا مقصدش دى كلمه طلعت كده 
عموما متزعليش 
صفاء انا عمرى ماازعل منك يانعيمه انتى اختى الوحيده وماليش غيرك فى الدنيا واى حاجه ترضيكى بعملها حتى لو على حسابى انا وابنى 
نعيمه بتكبر عارفه وده الى مستنياه منك انا اختك الكبيره وكلامى اكيد دايما صح 
صفاء بقهره اكيد 
نعيمه وعلشان كده احنا هنستعجل الفرح بدال مانستنى سنه نعمل الفرح كمان شهر 
صفاء بصتلها مش عارفه تعمل ايه نعيمه حبت تاثر عليها ولا انتى مش موافقه عموما انتى حره ولو مش عجباكى الجوازه كل واحد يروح لحاله وانتى من طريق وانا من طريق 
صفاء بسرعه لالا انشاء الله هكلم جاسر ونعمل الفرح بعد شهر 
قامت ساره حضنتها ربنا يخليكى ياخالتو 
صفاء ابتسمت ڠصب عنها وبصت لاختها بۏجع رغم انها عمرها ماحبتها بس هى مش عارفه متحبهاش دى مهما كان اختها الوحيده

فى بيت الزينى كان عمار فى اوضه من ساعه الى حصل ورافض يطلع دخلت عليه حسيبه وقعدت جنبه وبعدهالك يا والدى هتفضل حابس حالك اكده 
عمار عايزانى اعمل ايه ياما 
حسيبه ماخلاص الى حوصل حوصل هو الى خلجها ماخلجش غيرها واحمد رابنا انها چت لحد اكده وانها لساتها بنت 
عمار بصلها بۏجع انى خابر انك اكده ارتحتى وخابر ان كان منى عينك انى اسيبها 
حسيبه اكذب يعنى ايوا انى ماكنتش لده عليا الچوازه دى 
عمار بصلها قوى ليه ياما مريم عملت فيكى ايه 
حسيبه لفت وشها معملتش بس كفايه انها بنت رابحه وحسان
عمار وعملك ايه عمى ومارته ميشان تكرهيهم اكده 
حسيبه مش مهم المهم دلوقيت تفوج لحالك وتخرج وترجع كيف ماكنت
عمار غمض عنيه بۏجع مش جادر مش جادر اتخيل انها مش هتكون مارتى
حسيبه بزعيق اسمعنى زين يابن چابر جسما بالله لو مافوجت لحالك لكون جتلاها وجدامك
سابته وخرجت وهو بصلها مش مصدق انها كده وراكى ايه ياما مخلى جلبك اسود اكده

وصل بدر والحاج صالح البيت كانت سعديه قاعده ومعاها مريم 
الحاج صالح السلام عليكم
ردوا وعليكم السلام ورحمه الله وبركاته
سعديه ها عملتوا ايه 
بص بدر لمريم الى واضح توترها ورجع بص على الارض اتكلم صالح زى ماجولتى ياحاچه نچاة طالبه منك تچوزى بدر لمريم 
مريم سهمت وقامت وقفت كيف ديه ياحاچ 
صالح ده كلام الشيخ عبد الجادر يابتى وجال لو مانفذناش خيتك هتفضل مش مرتاحه فى نومتها 
قعدت تانى وهى مسهمه ومش عارفه تعمل ايه 
سعديه اتكلمت طيب جالك ايه على اهل البلد 
صالح بكره بعد صلاة الچمعه رابنا يحلها المهم دلوقيت انتى يامريم يابتى 
مريم انى !!! 
صالح ايوا يابتى ماهو مش معجول هنچوزك غصبن عنك لو مش موافجه جولى 
مريم سكتت ومش عارفه تقول ايه مش متخيله انها تبقى مكان اختها وفى نفس الوقت يونس مش هتقدر تبعد عنه 
بدر حس بحيرتها قام قرب منها جومى يامريم عايزك فى كلمتين 
مريم بصتله وقامت راحت وراه وقف فى البلكونه ودخلت هى وراه من غير ولا كلمه 
بدر اتكلم اسمعينى يامريم انى خابر ان صعب عليكى تتچوزى چوز خيتك بس لازم تفكرى فيها زى ماهى بتفكر فينا حتى بعد ماماتت 
مريم مش هجدر يابدر مش هجدر 
بدر ولا انا يامريم وميشان اكده عيندى حل 
مريم ايه هو 
بدر احنا هنتچوز وهنفضل زى ماحنا لحد ماتتخرچى واول ماتلاجى نصيبك والى جلبك يريده انى هطلجك بس هبجى ساعتها اطمنت عليكى وخيتك كمان 
مريم بصتله قوى جد يابدر الحديد ديه 
بدر ابتسم
وانى عمرى كذبت عليكى جبل سابج 
مريم لا
بدر يبجى خلاص هندخل نجولهم اننا وافجنا يالا
دخلوا يبلغوهم بموافقتهم وماخدوش بالهم من الى واقفه وسامعه كل حاجه
بيرى بغل يعنى ايه هيتجوز تانى على جثتى انه يحصل يابدر على جثتى ________يتبع